தமிழ்நாடு முதலமைச்சரின் உத்தரவின் படி காஞ்சிபுரம் மாவட்டத்தின் 4-வது ஆண்டு புத்தக திருவிழா காஞ்சிபுரம் மாவட்ட ஆட்சியர் அலுவலக வளாகத்தில் உள்ள அண்ணா காவல் அரங்க மைதானத்தில் இன்று முதல் துவங்கி வரும் வரும் 29ம் தேதி வரை 11 நாட்கள் நடைபெறுகிறது.
காஞ்சிபுரம் மாவட்ட ஆட்சியர் கலைச்செல்வி மோகன் தலைமையில் நடைபெற்ற 4-வது ஆண்டு மாபெரும் புத்தக திருவிழாவில் கைத்தறி துணி நூல் துறை அமைச்சர் ஆர். காந்தி கலந்து கொண்டு குத்துவிளக்கேற்றி திறந்து வைத்து புத்தக விற்பனையை தொடங்கி வைத்தார்.
காஞ்சிபுரம் மாவட்ட நிர்வாகம் மற்றும் தென்னிந்திய புத்தக விற்பனையாளர் பதிப்பாளர் சங்கம் மற்றும் பதிப்பாளர் சங்கம் (BAPASI) இணைந்து, நடத்தும் 4-வது ஆண்டு புத்தக திருவிழாவில் தென்னிந்தியா முழுவதிலும் இருந்து பல்வேறு பதிப்பாளர்கள் மற்றும் புத்தக வெளியீட்டாளர்கள் கலந்து கொள்ளும் வகையில் 100-க்கும் மேற்பட்ட புத்தக அரங்குகள், 1000-க்கும் மேற்பட்ட எழுத்தாளர்களின் படைப்புகள், இலட்சத்திற்கும் மேற்பட்ட புத்தகங்கள், குழந்தைகளுக்கென பிரத்யேகமாக அரங்குகள் அமைக்கப்பட்டுள்ளது.
மேலும் சிறப்பு அம்சங்களாக பள்ளி மாணவர்கள் தங்கள் படைப்பாற்றல்களை மற்றும் கலை திறன்களை வெளிப்படுத்த தினந்தேறும் போட்டிகள். கலை நிகழ்ச்சிகள் நடத்த ஏற்பாடுகள் செய்யப்பட்டுள்ளது.
புத்தக கொடையரங்கம் புத்தகங்களை நன்கொடையாக வழங்குவதற்கு என பிரத்யேக அறையும் உருவாக்கப்பட்டுள்ளது.
கூடுதல் சிறப்பாக மாணவர்களுக்கென வேலை வாய்ப்பு வழிகாட்டும் அரங்குகளும் அமைக்கப்பட்டுள்ளதாகவும், பல்வேறு சிறப்பு மிக்க பேச்சாளர்களும் கல்வியாளர்களும் கலந்து கொண்டு நாள்தோறும் சிறப்புரையாற்றுகின்றனர்.
பல்வேறு போட்டிகள், கலை நிகழ்ச்சிகள் மற்றும் நாட்டுப்புறக் கலை நிகழ்ச்சிகள் நடைபெறவுள்ளது.
4வது ஆண்டு புத்தகத் திருவிழாவில் எம்எல்ஏக்கள் க.சுந்தர். சிவிஎம்பி.எழிலரசன், காஞ்சிபுரம் மாநகராட்சி மேயர் மகாலட்சுமி யுவராஜ்,மாவட்ட ஊராட்சி குழுத் துணைத்தலைவர் நித்யா சுகுமார், ஒன்றியக் குழு தலைவர்கள் மலர்கொடி குமார், ஆர்.கே. தேவேந்திரன், உத்திரமேரூர்ஒன்றிய செயலாளர் ஞானசேகர், பப்பாசி நிர்வாகிகளும் அரசு அலுவலர்கள், மாணவ/மாணவியர்கள் மற்றும் பொதுமக்கள் கலந்து கொண்டனர்.
