திருவண்ணாமலை அண்ணாமலையார் கோவிலில் புத்தாண்டு தினத்தையொட்டி அதிகாலை முதலே பக்தர்களின் வருகை அதிகரித்துக் காணப்பட்டது. இந்த நிலையில், இசையமைப்பாளர் இளையராஜா, இயக்குனர் பாலா, ஐஸ்வர்யா ரஜினிகாந்த், உள்ளிட்ட திரை பிரபலங்கள் மற்றும் ஏராளமான பக்தர்கள் சுவாமி தரிசனம் செய்தனர்.
திருவண்ணாமலை அருணாசலேஸ்வரா் கோயிலில் அதிகாலை முதலே பக்தா்கள் நீண்ட வரிசையில் காத்திருந்து சுவாமி தரிசனம் செய்தனா். இதில் உள்ளூா் மட்டுமன்றி வெளி மாவட்டங்கள், வெளி மாநிலங்களில் இருந்து ஏராளமான பக்தா்கள் வருகை தந்து சுவாமி தரிசனம் செய்தனா்.
கோயிலில் பக்தா்களின் பொது தரிசனம் மற்றும் கட்டண தரிசன வழியில் நீண்ட வரிசையில் நின்று சுவாமி தரிசனம் செய்தனா். பக்தா்கள் எந்தவித சிரமமின்றி வரிசையாக கோயிலுக்குள் சென்று சுவாமி தரிசனம் செய்தனா்.
அதுமட்டுமன்றி புத்தாண்டு பிறப்பை முன்னிட்டு புதன்கிழமை நள்ளிரவு முதல் வியாழக்கிழமை இரவு வரை 1 லட்சத்துக்கும் மேற்பட்ட பக்தா்கள் கிரிவலம் சென்ற வண்ணம் இருந்தனா்.
கிரிவலப் பாதையில் அஷ்ட லிங்கங்களையும் வழிபட்டதோடு பக்தா்கள் திருநோ் அண்ணாமலை, ஆதிஅண்ணாமலை, இடுக்குபிள்ளையாா் கோயில் உள்ளிட்ட சந்நிதிகளில் வழிபாடு செய்தனா்.
மேலும் கோயில் மற்றும் கிரிவலப்பாதையில் ஆசிரமங்கள், பல்வேறு ஆன்மிக அமைப்புகள் சாா்பில் கிரிவலம் வந்த பக்தா்களுக்கு அன்னதானம் வழங்கப்பட்டது.
பக்தா்கள் வசதிக்காக கோயில் மற்றும் கிரிவலப்பாதையில் போலீஸாா் பாதுகாப்புப் பணியில் ஈடுபட்டனா்.
திரை பிரபலங்கள்
இந்த நிலையில், இசையமைப்பாளர் இளையராஜா, இயக்குனர் பாலா ஐஸ்வர்யா ரஜினிகாந்த், உள்ளிட்ட திரை பிரபலங்கள் சுவாமி தரிசனம் செய்தனர்.
அவர்களுக்கு கோயில் நிர்வாகம் சார்பில் சிறப்பாக வரவேற்பு அளிக்கப்பட்டு அண்ணாமலையார் பிரசாதங்களை சிவாச்சாரியார்கள் வழங்கினர்.
சாமி தரிசனம் செய்த பின்னர் இளையராஜா, உள்ளிட்ட திரை பிரபலங்களுடன் கோவில் ஊழியர்கள் மற்றும் பக்தர்கள் புகைப்படம் எடுத்துக் கொண்டனர்.
பின்னர் செய்தியாளர்களிடம் பேசிய இளையராஜா, அண்ணாமலையாரின் அருளால் விரைவில் சென்னையில் இசை நிகழ்ச்சி நடத்த உள்ளதாகவும், அனைவரும் அதனை கேட்டு ரசிக்க வேண்டும் என்றும் தெரிவித்தார்.
இந்நிகழ்வில் அண்ணாமலையார் திருக்கோயில் முன்னாள் அறங்காவலர் குழு தலைவர் ராஜாராம், ரமணாஸ்ரமம் சிவதாஸ் கிருஷ்ணன், உள்ளிட்டோர் உடன் இருந்தனர்.
