நாமக்கல் மாவட்டத்தில் உள்ள 6 சட்டசபை தொகுதிகளுக்கும் சட்டசபை தேர்தல் நடத்தும் அலுவலர் மற்றும் உதவி அலுவலர்கள் பெயர் மற்றும் புகார்கள் தெரிவிப்பதற்கான தொடர்பு எண்கள் அறிவிக்கப்பட்டுள்ளது.
இது குறித்து நாமக்கல் மாவட்ட ஆட்சியர் துர்கா மூர்த்தி வெளியிட்டுள்ள செய்திக்குறிப்பில் கூறியுள்ளதாவது:
இந்திய தேர்தல் ஆணையத்தின் வழிகாட்டுதலின்படி, நாமக்கல் மாவட்டத்தில் உள்ள 6 சட்டசபை தொகுதிக்கும், தேர்தல் நடத்தும் அலுவலர், மற்றும் உதவி தேர்தல் நடத்தும் அலுவலர்கள் நியமிக்கப்பட்டு அவர்களுக்கான செல்போன் நம்பர் அறிவிக்கப்பட்டுள்ளது. அதன் விபரம்:
ராசிபுரம் (தனி) தொகுதி:
தேர்தல் நடத்தும் அலுவலர்: முருகன், மாவட்ட வழங்கல் மற்றும் நுகர்வோர் பாதுகாப்பு அலுவலர் (9445000232).
உதவி தேர்தல் நடத்தும் அலுவலர்கள்: சசிகுமார், வட்டாட்சியர், ராசிபுரம் (9445000544), நிவேதா, நகராட்சி ஆணையர் ராசிபுரம் (7397396258).
சேந்தமங்கலம் (தனி) தொகுதி:
தேர்தல் நடத்தும் அலுவலர்: கற்பகம், சமூகப்பாதுகாப்பு திட்ட சப் கலெக்டர் (9445461743).
உதவி தேர்தல் நடத்தும் அலுவலர்கள்: சரவணகுமார், வட்டாட்சியர், சேந்தமங்கலம் (9445461913),
ராஜ்குமார், தனி வட்டாட்சியர் (சமூகப்பாதுகாப்பு திட்டம்) சேந்தமங்கலம் (9500979499).
நாமக்கல் தொகுதி:
தேர்தல் நடத்தும் அலுவலர்: சாந்தி, ஆர்டிஓ, நாமக்கல் (9445000431).
உதவி தேர்தல் நடத்தும் அலுவலர்கள்: அருள், வட்டாட்சியர், நாமக்கல் (9445000543), சிவகுமார், ஆணையர் நாமக்கல் மாநகராட்சி (7397396263).
பரமத்திவேலூர் தொகுதி:
தேர்தல் நடத்தும் அலுவலர்: கிருஷ்ணவேணி, மாவட்டப் பிற்படுத்தப்பட்டோர் மற்றும் சிறுபான்மையினர் நல அலுவலர் (9445477850).
உதவி தேர்தல் நடத்தும் அலுவலர்கள்: ராஜா, வட்டாட்சியர், பரமத்தி வேலூர் (9445000546), கருணாநிதி, தனி வட்டாட்சியர் (சமூகப்பாதுகாப்பு திட்டம்) (7010604625).
திருச்செங்கோடு தொகுதி:
தேர்தல் நடத்தும் அலுவலர்: லெனின், ஆர்டிஓ, திருச்செங்கோடு (9445000432).
உதவி தேர்தல் நடத்தும் அலுவலர்கள்: மதியழகன், வட்டாட்சியர், திருச்செங்கோடு (9445000545), வாசுதேவன், நகராட்சி ஆணையர் திருச்செங்கோடு (7397396261).
குமாரபாளையம் தொகுதி:
தேர்தல் நடத்தும் அலுவலர்: குமரன், மாவட்ட ஆதி திராவிடர் நல அலுவலர் (73388012650).
உதவி தேர்தல் நடத்தும் அலுவலர்கள்: பிரகாஷ், வட்டாட்சியர், குமாரபாளையம், ரமேஷ், நகராட்சி ஆணையர் குமாரபாளையம் (7397396259).
பொதுமக்கள் மற்றும் அரசியல் கட்சியினர் தேர்தல் தொர்பான சந்தேகங்களுக்கும், உரிய தகவல்களைப் பெறவும் தேர்தல் விதி மீறல்கள் தொடர்பான புகார்களை தெரிவிக்கவும் மேற்கண்ட தேர்தல் நடத்தும் அலுவலர்கள் மற்றும் உதவி தேர்தல் நடத்தும் அலுவலர்களை, அடைப்புக்கள் குறிப்பிட்டுள்ள செல்போன் எண்களில் தொடர்புகொள்ளலாம்.
மேலும், மாவட்ட அளவில் செயல்படும் கட்டணமில்லா செல்போன் எண் 1800-599-4286 மற்றும் மாவட்ட தொடர்பு மையம் எண் 1950 ஆகியவை இரவு பகல் 24 மணி நேரமம் செயல்படும். வாக்காளர்கள் தங்கள் வாக்காளர் பட்டியல் விவரங்கள், வாக்குச்சாவடி இருப்பிடம், வாக்குச்சாவடி நிலைய அலுவலர் தொடர்பு விவரங்கள் போன்ற தகவல்களை voters.eci.gov.in என்ற வெப்சைட் மூலம் அறியலாம். ஆன்லைன் புகார்களை தேசிய குறைதீர்ப்பு சேவை மைய வெப்சைட் மூலமும் பதிவு செய்யலாம் என தெரிவித்துள்ளார்.
