தமிழகத்தில் கடந்த ஏப்ரல் 23ஆம் தேதி ஒரே கட்டமாக சட்டமன்றத் தேர்தல் நடைபெற்ற நிலையில் திருவண்ணாமலை மாவட்டத்தில் திருவண்ணாமலை, செங்கம்(தனி), கீழ்பென்னாத்தூர், கலசபாக்கம், போளூர், ஆரணி, செய்யாறு, வந்தவாசி(தனி) ஆகிய 8 தொகுதிகள் உள்ளது.
திருவண்ணாமலை தொகுதியில் 30 வேட்பாளர்கள், செங்கம் (தனி) தொகுதியில் 15 வேட்பாளர்கள், கீழ்பென்னாத்தூர் தொகுதியில் 23 வேட்பாளர்கள், கலசபாக்கம் தொகுதியில் 21 வேட்பாளர்கள், போளூர் தொகுதியில் 15 வேட்பாளர்கள், ஆரணி தொகுதியில் 24 வேட்பாளர்கள், செய்யாறு தொகுதியில் 13 வேட்பாளர்கள், வந்தவாசி (தனி) தொகுதியில் 15 வேட்பாளர்கள் போட்டியிட்டனர். மாவட்டம் முழுவதும் 2,517 வாக்குச்சாவடி அமைக்கப்பட்டன.
திருவண்ணாமலை, கலசபாக்கம், செங்கம், கீழ்பென்னாத்தூர் தொகுதிகளுக்கான மின்னணு வாக்குப்பதிவு இயந்திரங்கள் வாக்கு எண்ணும் மையமான திருவண்ணாமலை மார்க்கெட் கமிட்டியிலும், ஆரணி, போளூர், செய்யாறு, வந்தவாசி ஆகிய தொகுதிகளுக்கான மின்னணு வாக்குப்பதிவு இயந்திரங்கள் வாக்கு எண்ணும் மையமான ஆரணி தச்சூர் அரசு பொறியியல் கல்லூரியிலும் பலத்த பாதுகாப்புடன் வைக்கப்பட்டு சீல் வைக்கப்பட்டது.
இந்நிலையில் வாக்கு எண்ணிக்கை நேற்று பலத்த பாதுகாப்புடன் திருவண்ணாமலை மார்க்கெட் கமிட்டியிலும், ஆரணி தச்சூர் அரசு பொறியியல் கல்லூரியிலும் நடைபெற்றது. இதில் திருவண்ணாமலை திமுக வேட்பாளர் அமைச்சர் எ.வ.வேலு 88,273 வாக்குகள் பெற்று 2,455 வாக்கு வித்தியாசத்தில் வெற்றி பெற்றார்.
- கலசபாக்கம் தொகுதியில் அதிமுக வேட்பாளர் அக்ரி.கிருஷ்ணமூர்த்தி 89,629 வாக்குகள் பெற்று 26,740 வாக்கு வித்தியாசத்தில் வெற்றிபெற்றார்.
- செங்கம் சட்டமன்ற தொகுதியில் அதிமுக வேட்பாளர் வேலு 87,802 வாக்குகள் பெற்று 13,496 வாக்கு வித்தியாசத்தில் வெற்றிபெற்றார்.
- கீழ்பென்னாத்தூர் தொகுதியில் அதிமுக வேட்பாளர் ராமசந்திரன் 90503 வாக்குகள் பெற்று 30465 வாக்கு வித்தியாசத்தில் வெற்றிபெற்றார்.
- வந்தவாசி தொகுதியில் திமுக வெற்றி எஸ்.அம்பேத்குமார் 63,805 வாக்குகள் பெற்று 3,333 வாக்கு வித்தியாசத்தில் வெற்றி பெற்றது குறிப்பிடத்தக்கது.
- செய்யாறு தொகுதியில் அதிமுக வேட்பாளர் முக்கூர் என்.சுப்பிரமணியன் 86,680 வாக்குகள் பெற்று 21,081 வாக்கு வித்தியாசத்தில் வெற்றிபெற்றார்.
- ஆரணி தொகுதியில் அதிமுக வேட்பாளர் ஜெயசுதா 76735 வாக்குகள் பெற்று 5631 பாக்கு வித்தியாசத்தில் வெற்றி பெற்றார்.
- போளூர் தொகுதியில் தவெக வேட்பாளர் அபிஷேக் 67,961 வாக்குகள் பெற்று தேமுதிக வேட்பாளரை விட 227 வாக்குகள் வித்தியாசத்தில் வெற்றி பெற்றார்
வெற்றி பெற்ற வேட்பாளர்களுக்கு தேர்தல் அலுவலர்கள் வெற்றி பெற்றதற்கான சான்றிதழை வழங்கினார்கள்.
