மதுரை அமெரிக்கன் கல்லூரியின் வர்த்தகத் துறை சார்பில், “உங்கள் பலவீனங்களை வெல்லுங்கள்” என்ற தலைப்பில் விழிப்புணர்வு கருத்தரங்கம் நடைபெற்றது.
நிகழ்ச்சியில், அமெரிக்கன் கல்லூரியின் முதல்வர் டாக்டர் பால் ஜெயக்கர் தலைமை தாங்கினார்.
நிகழ்ச்சியை, வர்த்தகத் துறையின் தலைவர் டாக்டர் ஜஸ்டின் மனோகர் ஒருங்கிணைத்தார்.
நிகழ்ச்சியில் சிறப்பு விருந்தினராக (தனியார் அகாடமி) Win Your Weakness Motivation Academy- யின் தலைமைச் செயலதிகாரி இளைய அப்துல்கலாம் டாக்டர். ஜெகன் வாழ்க்கையின் பலவீனங்களை வெல்லும் வண்ணம் தன்னம்பிக்கையுடன் வாழும் வழிகளை விளக்கி பேசினார்
போதைப்பொருட்களின் தீமைகள், பெற்றோரின் தியாகத்தின் மதிப்பு போன்ற முக்கிய அம்சங்களை எடுத்துரைக்கும் விதமாக, மனதை தொடும் காணொளிகளையும் காண்பித்தார். உரையின் முடிவில், மாணவர்கள் பலர் உணர்ச்சிவசப்பட, வாழ்க்கையை மாற்றிக் கொள்ள உறுதி மொழியினை எடுத்துக் கொண்டனர்.
போதைப் பொருட்கள் பயன்படுத்துவதால் உடல்நல பாதிப்புகள் ஏற்படும் விழிப்புணர்வு பற்றி விளக்கி பேசினர். மேலும், தல்லாகுளம் காவல் நிலைய காவல் ஆய்வாளர் சாந்தி கூறுகையில், ஹெல்மெட் அணிவதால் சாலை விபத்திலிருந்து ஒவ்வொருவரும் தங்களை பாதுகாத்து கொள்ளமுடியும். பெண்களுக்கான சட்டம் பற்றியும், சைபர்கிரைம் இலவச எண் 155260 பற்றியும் எடுத்துரைத்து விரிவாகப் பேசினார்.
இந்நிகழ்ச்சியில் ஒருங்கிணைப்பாளர்கள் டாக்டர்.கரேன் ஜூடி, டாக்டர்.பகவதி, டாக்டர் ஜேம்ஸ்லின் வித்யா, வர்த்தகத் துறையின் பேராசிரியர்கள், கல்லூரி ஆசிரியர்கள், ஆயிரத்திற்கும் மேற்பட்ட அமெரிக்கன் கல்லூரி மாணவ மாணவிகள், தன்னார்வலர்கள் உள்பட பலர் கலந்து கொண்டனர்.
