மாநில அளவிலான ரோல் பால் போட்டியில், நாமக்கல் குறிஞ்சி மேல்நிலைப்பள்ளி மாணவர் 3ம் இடம் பெற்று சாதனை படைத்தார்.
ரோல் பால் பெடரேஷன் ஆப் இந்தியா சார்பில், மாநில அளவிலான 3-வது மினி ரோல் பால் சேம்பியன்ஷிப் போட்டி திண்டுக்கல் மாவட்டத்தில் உள்ள தனியார் பள்ளியில் 3 நாட்கள் நடைபெற்றது.
நாமக்கல் குறிஞ்சி மெட்ரிக் மேல்நிலைப் பள்ளி 4-ஆம் வகுப்பு மாணவன் லித்திக் ஆரியன், 9 வயதிற்குட்பட்டோர் பிரிவில் கலந்துகொண்டு சிறப்பாக விளையாடி, மாநில அளவில் மூன்றாமிடம் பெற்றார்.
நாமக்கல், காளப்பநாயக்கன்பட்டியில் ஸ்ரீ கோகுலம் குருப்ஸ் சார்பில் நடைபெற்ற ஸ்ரீ கிருஷ்ண ஜெயந்தி வெள்ளி விழா நிகழ்ச்சியில், குறிஞ்சி மெட்ரிக் மேல்நிலைப் பள்ளி 5-ஆம் வகுப்பு மாணவி தனிஷா, பரதநாட்டியத்தில் கலந்து கொண்டு முதல் பரிசை பெற்றார்.
போட்டிகளில் வெற்றிபெற்ற மாணவ மாணவிகளை பள்ளி தாளாளர் தங்கவேல், இயக்குனர்கள், முதல்வர் மற்றும் ஆசிரியர்கள் பாராட்டினார்கள்.
