நாமக்கல் மாநகராட்சி பகுதிக்கு தேவையான அடிப்படை வசதிகள் குறித்து, மாதேஸ்வரன், எம்.பி., மாநகராட்சி ஆணையருடன் ஆலோசனை நடத்தினார்.
நாமக்கல் மக்களவை தொகுதி கொமதேக எம்.பி. மாதேஸ்வரனின் அலுவலகத்தில், நாமக்கல் மாநகராட்சிப் பகுதிகளில் நடைபெற்று வரும் பணிகள் குறித்தும், மாநகராட்சிக்கு தேவையான அடிப்படை வசதிகள் குறித்தும், ஆலோசனைக் கூட்டம் நடைபெற்றது.
மாதேஸ்வரன் எம்.பி., கூட்டத்திற்கு தலைமை வகித்தார். மாநகராட்சி ஆணையர் சிவகுமார் மற்றும் அதிகாரிகள் நிகழ்ச்சியில் கலந்துகொண்டனர். மாநகராட்சியில் நடைபெறும் வளர்ச்சி பணிகள் குறித்தும், குடிநீர், தெரு விளக்கு, சாலை வசதிகள் உள்ளிட்ட பல்வேறு அடிப்படை தேவைகள் குறித்தும் அவர்களுடன் மாதேஸ்வரன் எம்.பி., ஆலோசனை நடத்தினார்.
கூட்டத்தில் கொமதேக மாநில ஆட்சி மன்ற குழு உறுப்பினர் துரை, ஒருங்கிணைந்த மாவட்ட விவசாய அணி செயலாளர் ரவிச்சந்திரன், மாவட்ட வர்த்தக அணி செயலாளர் இளங்கோ, பொருளாளர் சசிகுமார், மாவட்ட ஊராட்சி குழு உறுப்பினர் அருள்மணி உள்ளிட்ட பலர் கலந்துகொண்டனர்.
