பெங்களூருவில் நடைபெற்ற தொழில்நுட்ப உச்சிமாநாட்டின் போது, பெங்களூருவின் இடைவிடாத போக்குவரத்து நெரிசல் குறித்து விண்வெளி வீரர் சுபன்ஷு சுக்லா கிண்டலாக கருத்தைத் தெரிவித்தார்.
குரூப் கேப்டன் சுக்லா ஒரு இந்திய விமானப்படை அதிகாரி மற்றும் சோதனை விமானி ஆவார். 2027 ஆம் ஆண்டு ஏவப்படவுள்ள இந்தியாவின் முதல் மனிதர்களை ஏற்றிச் செல்லும் திட்டமான ககன்யானுக்குத் தேர்ந்தெடுக்கப்பட்டு பயிற்சி பெற்ற நான்கு விண்வெளி வீரர்களில் இவரும் ஒருவர்.
பெங்களூரு தொழில்நுட்ப உச்சி மாநாட்டில் பார்வையாளர்கள் முன் மேடையில் ஏறிய சுக்லா, மராத்தஹள்ளியில் இருந்து அரங்கிற்கு தனது பயணம் தனது திட்டமிடப்பட்ட உரையை விட மூன்று மடங்கு அதிக நேரம் எடுத்ததாக நகைச்சுவையாகக் கூறினார்.
“நான் பெங்களூருவின் மறுபக்கமான மாரத்தஹள்ளியிலிருந்து வருகிறேன். விண்வெளியில் இருந்து பெங்களூருக்கு செல்வது எனக்கு எளிதாக இருக்கும். ஆனால் மராத்தஹள்ளியில் இருந்து இந்த இடத்திற்கு செல்வது கடினமாக இருந்தது. இந்த நிகழ்ச்சிக்காக நான் உங்களுடன் செலவிடப் போகும் நேரத்தை விட மூன்று மடங்கு நேரத்தை நான் செலவிட்டேன். எனவே எனக்கு இருக்கும் அர்ப்பணிப்பை நீங்கள் பார்க்க வேண்டும்,” என்று அவர் கூறினார்.
நிறைவு நாள் உரையின் போது இந்தக் கருத்துக்கு பதிலளித்த கர்நாடக அமைச்சர் பிரியங்க் கார்கே கூறுகையில், சுபான்ஷு சுக்லா கூறியதுபோல இதுபோன்ற தாமதங்கள் மீண்டும் நிகழாமல் அரசாங்கம் உறுதி செய்யும் என்று கூறினார்.
