நாமக்கல் சட்டசபை தொகுதி திமுக வேட்பாளராக மாநில மகளிர் தொண்டரணி செயலாளர் ப.ராணி அறிவிக்கப்பட்டுள்ளார்.
தமிழகம் முழுவதும் திமுக போட்டியிடும் சட்டசபை தொகுதிகளுக்கான வேட்பாளர் பட்டியலை, திமுக தலைவர் ஸ்டாலின் அறிவித்தார். நாமக்கல் சட்டசபை தொகுதி திமுக வேட்பாளராக மாநில திமுக மகளிர் தொண்டரணி செயலாளர் ப.ராணி (57) அறிவிக்கப்பட்டுள்ளார்.
நாமக்கல் முல்லை நகரைச் சேர்ந்த ராணி திருமணமானவர். அவருக்கு 2 பெண் குழந்தைகள் உள்ளனர். அவர்களுக்கும் திருமணம் ஆகிவிட்டது. நீண்ட நாட்களாக திமுகவில் பல்வேறு பொறுப்புகளில் இருந்த அவர், ஏற்கனவே நாமக்கல் நகராட்சி கவுன்சிலராகவும், கொண்டிசெட்டிப்பட்டி கிராம ஊராட்சி தலைவராகவும், நாமக்கல் ஊராட்சி ஒன்றிய சேர்மனாகவும் பணியாற்றி உள்ளார்.
இதுவரை மக்களவை தேர்தல் மற்றும் சட்டசபை தேர்தலில் அவர் போட்டியிட்டதில்லை. முதல் முறையாக அவர் சட்டசபை தேர்தலில் போட்டியிடுகிறார். அவருக்கு திமுக நிர்வாகிகள் பலர் வாழ்த்து தெரிவித்து வருகின்றனர்.
கடந்த 2021 சட்டசபை தேர்தலில் போட்டியிட்டு தற்போது எம்எல்ஏவாக உள்ள ராமலிங்கத்திற்கு இந்த தேர்தலில் சீட் கிடைக்கவில்லை
