நாமக்கல் மண்டலத்தில் முட்டை விலை மீண்டும் 30 பைசா சரிவடைந்தது. 5 நாட்களில் ஒரு முட்டைக்கு 80 பைசா சரிவடைந்ததால் பண்ணையாளர்கள் அதிர்ச்சியடைந்துள்ளனர்.
நாமக்கல் மண்டலத்தில் முட்டை பண்ணை கொள்முதல் விலை கடந்த ஜூன் 1ம் தேதி. ரூ. 5.70 ஆக இருந்து, பின்னர் படிப்படியாக உயர்ந்து ஜூலை 18ம் தேதி உச்சபட்ச விலையாக ஒரு முட்டை ரூ. 6.80 ஆனது.
கடந்த 24ம் தேதி முட்டை விலை திடீரென்று 30 பைசா குறைந்து ரூ. 6.50 ஆனது. 26ம் தேதி 20 பைசா குறைந்து ரூ. 6.30 ஆனது.
இந்த நிலையில் என்இசிசி நாமக்கல் மண்டல தலைவர் சிங்கராஜ் தலைமையில் இன்று நடைபெற்ற கூட்டத்தில், முட்டை விலை மேலும் 30 பைசா குறைக்கப்பட்டு ஒரு முட்டையின் பண்ணைக்கொள்முதல் விலை ரூ. 6.00 ஆக ஆக நிர்ணயிக்கப்பட்டது.
5 நாட்களில் ஒரு முட்டைக்கு 80 பைசா சரிவடைந்ததால் கோழிப்பண்ணையாளர்கள் கடும் அதிர்ச்சியடைந்துள்ளனர்.
