துல்லியமான பீரங்கி குண்டுகள் மற்றும் டேங்க் எதிர்ப்பு ஏவுகணைகளை விற்பதற்கு அமெரிக்க அரசு அனுமதி அளித்தது.
இந்தியாவுடனான தனது பாதுகாப்பு உறவை மேலும் வலுப்படுத்தும் நோக்கில், 93 மில்லியன் அமெரிக்க டாலர் (சுமார் ரூ. 775 கோடி) மதிப்புள்ள ராணுவத் தளவாடங்களை விற்பனை செய்ய அமெரிக்கா ஒப்புதல் அளித்துள்ளது. இதில், அதிநவீன ‘எக்ஸ்காலிபர்’ பீரங்கி குண்டுகள் மற்றும் ‘ஜாவலின்’ ஏவுகணை அமைப்பு ஆகியவை முக்கியமாக அடங்கும்.
அமெரிக்க வெளியுறவுத் துறையின் கீழ் இயங்கும் பாதுகாப்பு ஒத்துழைப்பு நிறுவனம் இந்த விற்பனைக்கான ஒப்புதலை அமெரிக்க காங்கிரஸுக்கு வழங்கியுள்ளதாக அதிகாரப்பூர்வமாக அறிவித்துள்ளது.
விற்பனை செய்யப்படும் முக்கிய தளவாடங்கள்
இந்த ராணுவ ஒப்பந்தத்தில் இந்தியா வாங்கவுள்ள முக்கியப் பாதுகாப்பு அமைப்புகளின் விவரங்கள்:
M982A1 எக்ஸ்காலிபர் துல்லிய வழிகாட்டுதல் பீரங்கி குண்டுகள்:
- சுமார் 216 வரையிலான துல்லிய வழிகாட்டுதல் கொண்ட எக்ஸ்காலிபர் குண்டுகள் இதில் அடங்கும்.இந்த குண்டுகள் இந்திய ராணுவத்தின் பீரங்கித் தாக்குதல்களின் துல்லியத்தை கணிசமாக அதிகரிக்கும்.
- FGM-148 ஜாவலின் டேங்க் எதிர்ப்பு ஏவுகணை அமைப்பு:
100 ஜாவலின் ஏவுகணைகள்.
- 25 கமாண்ட்-லான்ச் யூனிட்கள்.
- பயிற்சி உதவிகள், சிமுலேஷன்மற்றும் இதர உதிரி பாகங்கள் இதில் உள்ளன.
விற்பனையின் நோக்கம்
இந்த விற்பனை குறித்து DSCA வெளியிட்ட அறிக்கையில், இது அமெரிக்காவின் வெளியுறவுக் கொள்கை மற்றும் தேசியப் பாதுகாப்புக் குறிக்கோள்களுக்கு ஆதரவளிப்பதாகக் குறிப்பிடப்பட்டுள்ளது.
இந்தியாவுக்கு இந்த துல்லியமான இராணுவ தளவாடங்களை வழங்குவதன் மூலம், தற்போதைய மற்றும் எதிர்கால அச்சுறுத்தல்களை எதிர்கொள்ளும் இந்தியாவின் திறன் மேம்படும்.
இந்தோ-பசிபிக் மற்றும் தெற்காசிய பிராந்தியங்களில் அமைதி மற்றும் பொருளாதார முன்னேற்றத்திற்கான முக்கிய சக்தியாக இருக்கும் இந்தியாவின் பாதுகாப்பை மேம்படுத்த இது உதவும்
இந்த ஒப்பந்தத்தை செயல்படுத்தும் முக்கிய ஒப்பந்ததாரராக ஆர்டிஎக்ஸ் கார்ப்பரேஷன் செயல்படும். இந்த விற்பனையின் காரணமாக பிராந்தியத்தின் இராணுவ சமநிலையில் எவ்வித எதிர்மறை மாற்றமும் ஏற்படாது என்று அமெரிக்க அரசு உறுதிப்படுத்தியுள்ளது.
