அலமாரியிலிருந்து ஒரு புத்தகம்.. நீட்ஷே..
ஒரு நபரின் வாழ்க்கையின் சாராம்சம் என்ன, அவர் எதற்காக பாடுபட வேண்டும் – சிந்தனையாளர்கள் இதைப் பற்றி வெவ்வேறு நேரங்களில் பலமுறை யோசித்திருக்கிறார்கள். ஃப்ரீட்ரிக் நீட்ஷே தனது கருத்துக்களை “ஜராத்துஸ்ட்ரா இவ்வாறு கூறினான்” என்கிற சொற்பொழிவுகளின் தொகுப்பின் மூலம் பகிர்ந்து கொள்கிறார்.
அவர் பல வருட தனிமைக்குப் பிறகு மலையிலிருந்து இறங்கி, தான் கற்றுக்கொண்டதை மற்றவர்களுக்குக் கற்பிக்கிறார். இது மனிதகுலத்திற்கு ஞானத்தின் பரிசை வழங்குவதற்கான அவரது பயணத்தின் கதை. அனைத்து வகையான மக்களுடனான அவரது சந்திப்பின் ஒரு கணக்கு என சொல்லலாம்.
இது ஒரு தத்துவ நாவல், கவிதை மற்றும் பழமொழிகளை உள்ளடக்கியது., அதை உணர கடினமாக உள்ளது என்பதை வாசிக்கும் ஒவ்வொரு வாசகனும் உணர்வான். ஒரு கவிதை பாணியில் இருக்கும் இந்த புத்தகத்தை வாசிக்கும்போது ஒரு துள்ளலும் மகிழ்ச்சியும் நமக்குள் எழுகிறது.
நாம் அவ்வப்போது மேற்கோள் காட்ட பல சிறந்த வரிகளை இந்த புத்தகம் நமக்கு வழங்குகிறது. புத்தகத்தின் பல விஷயங்கள் இருண்மையாக இருக்கின்றன. அவற்றை முழுமையாகப் புரிந்து கொள்ளும் அளவுக்கு இல்லை. கூடவே நாம் புரிந்துக்கொள்ள எடுக்கிற நாம் எளிதான முயற்சியில் தவறாகப் புரிந்து கொள்ள கூடிய சாத்தியக் கூறுகள் விளைய லாம். சில பகுதிகள் பல அர்த்தங்களைக் கொண்டிருக்கலாம், சிலவற்றிற்கு எந்த அர்த்தமும் இல்லாமல் இருக்கலாம்.
புத்தகத்தில் நீட்ஷே என்ன கற்பிக்கிறார் என்பதை நான் புரிந்து கொள்ளவில்லை. ஆனால், மீண்டும், நான் சில விஷயங்களை என் தனித்துவமான முறையில் புரிந்து கொள்ள முடிந்தது.
ஜரதுஸ்ட்ரா ஒரு இடத்தில் கூறுகிறார், – நல்ல சுவை என்றில்லை.. கெட்ட சுவை என்றில்லை ஆனால் அது எனது சுவை. சரியான புரிதல் என்றில்லை, தவறான புரிதல் என்றில்லை. ஆனால் அது எனது புரிதல். இப்படியாக.. வாசிக்கையில் பல இடங்களில், பல வழிகளில் நம் கண்களை திறக்கிறது.மாறுபட்ட பார்வைகளை அளிக்கிறது.
நாம் காணும் அதே பழைய உலகின், அதே பழைய விஷயங்களின், அதே பழைய யோசனைகளின் அசாதாரண பார்வைகளை, இது பழைய நம்பிக்கைகளை எடுத்து அவற்றை நாம் நினைக்கும் விதத்தை சந்தேகிக்கத் தொடங்கும் வகையில் முன் வைக்கிறது என சொல்லலாம். அந்த கருத்துகளை வேறு கோணத்தில் பார்க்க முடியும் என்பதையும் உணர வைக்கிறது.
நாம் பிறந்ததிலிருந்தே, நம்மைச் சுற்றியுள்ள மக்கள் நமக்கு கற்பிக்கத் தொடங்குகிறார்கள். ஒரு குறிப்பிட்ட வழியில் சிந்திக்கவும், ஒரு குறிப்பிட்ட வழியில் பேசவும், ஒரு குறிப்பிட்ட வழியில் செயல்படவும் அவை நமக்குக் கற்பிக்கின்றன. அவர்களுடைய பெற்றோர்கள் அவர்களிடம் விதைத்த அனைத்து விஷயங்களையும் அவர்கள் நம் மனதில் விதைக்கிறார்கள்.
உண்மை என நாம் கருதும் பெரும்பாலானவை உண்மையில் அப்படி இல்லை. அந்த நம்பிக்கைகள் நீண்டகாலமாக இருப்பதால் மட்டுமே நாம் அவைகளை இனி கேள்வி கேட்க மாட்டோம். என்ன செய்ய..! நாம் அப்படி செய்யவே ஊக்குவிக்கப்பட்டிருக்கிறோம்.
இதுபோன்ற படைப்புகள் அதிலிருந்து வெளிவர நமக்கு ஓரளவு வெளிச்சத்தை தரலாம். பூடகமான சிந்தனைகளை வழங்கி வாழ்நாள் முழுதும் இறை எதிர்ப்பாளராகவும் கடவுள் இறந்துவிட்டார் என்ற புகழ்வாய்ந்த சொற்றொடரை மனிதகுலத்திற்கு தந்தவராகவும் இருந்த நீட்ஷேவை வாசிக்கலாம்.
மனிதன் மேம்பட மனித ஆற்றலே போதுமானது. வெளியிலி ருந்து எந்த வகை இறை முகவர்கள்தேவையில் லை.. எனவே கடவுள் இறந்துவிட்டார் என்பதே மனிதனை உயர்த்தும் என்ற அதிரடி சிந்தனையை வெளிப்படுத்தியவர் நீட்ஷே.
அகந்தை அழிவைத்தரும், அது பலரை மனப்பிறழ்வு நிலைக்கு தள்ளிவிடும் என்பார்கள். அந்த நிலை அவரை தொற்றுவதற்கு முன்னரே அவர் அப்படி ஆனார். தத்துவதேடல்களால் அலைக் கழிக்கப்பட்ட அவரது மனம் தற்கொலைக்கு தள்ளியது. சகோதரியும் தாயும் குணப்படுத்த முயற்சித்தனர். ஆகஸ்ட் 25 1900 -இல் மரணம் அவரை பிடித்துக்கொண்டது
இங்கிலாந்திலிருந்து சங்கர் 🎋
