நாமக்கல் ஊராட்சி ஒன்றியத்தில், சத்துணவு திட்டப்பிரிவில், தற்காலிக கம்ப்யூட்டர் டேட்டா எண்ட்ரி ஆபரேட்டர் பணிக்கு விண்ணப்பங்கள் வரவேற்கப்படுகின்றன.
இது குறித்து கலெக்டர் துர்கா மூர்த்தி வெளியிட்டுள்ள செய்திக்குறிப்பில் கூறியுள்ளதாவது:
நாமக்கல் ஊராட்சி ஒன்றியத்தில், சத்துணவுத் திட்டப் பிரிவில் காலியாக உள்ள கம்ப்யூட்டர் டேட்டா எண்ட்ரி ஆபரேட்டர் பணியிடத்திற்கு விண்ணப்பங்கள் வரவேற்கப்படுகின்றன.
- மாத சம்பளம் ரூ. 14 ஆயிரம் வீதம், தொகுப்பூதிய அடிப்படையில், தற்காலிகமாக ஒரு ஆண்டிற்கு நியமிக்கப்படுவார்கள்.
- விண்ணப்பதாரர்கள் அங்கீகரிக்கப்பட்ட பல்கலை கழகத்தால் ஏதேனும் ஒரு பட்டம் பெற்றிருக்க வேண்டும்.
- கம்ப்யூட்டரில் எம்எஸ் ஆபீஸ் அனுபவம் பெற்றிருத்தல் இருத்தல் வேண்டும்,
- ஆங்கிலம் மற்றும் தமிழ் லோயர் டைப்ரைட்டிங் தேர்ச்சி பெற்றிருக்க வேண்டும்.
- 21 முதல் 40 வயதிற்குள் இருக்கு வேண்டும்.
பணிக்கான விண்ணப்பங்களை உரிய கல்விச் சான்றுகள் மற்றும் அனுபவச் சான்றுடன் வருகிற நவ. 17ம் தேதி, மாலை 5 மணிக்குள், நாமக்கல், வகுரம்பட்டியில் உள்ள தமிழ்நாடு மாநில வழ்வாதார இயக்க அலுவலகத்திற்கு வந்துசேருமாறு அனுப்பி வைக்க வேண்டும் என தெரிவிக்கப்பட்டுள்ளது.
