தமிழகத்தில் சட்டப்பேரவைத் தோ்தல் ஏப்.23-ஆம் தேதி நடைபெற உள்ள நிலையில், போளூா் தொகுதியைச் சோ்ந்த 85 வயதிற்கு மேற்பட்டோா் மற்றும் மாற்றுத்திறனாளிகள் தங்களுக்கு தபால் வாக்கு செலுத்த அனுமதிக்க வேண்டும் என விருப்பப்படிவம் அளித்துள்ளனா்.
இதனால் தொகுதியைச் சோ்ந்த வாக்காளா்களிடம் அவரவா் வீட்டிற்கு நேரடியாகச் சென்று தபால் வாக்கு பெற்று வருகின்றனா். இந்த தபால் வாக்கு பெறும் பணி பெலாசூா் கிராமத்தில் நடைபெற்றது. பணியை மாவட்ட ஆட்சியா் தா்ப்பகராஜ் ஆய்வு செய்தாா்.
மாவட்ட வருவாய் அலுவலா் இராம்பிரதீபன், தொகுதி தோ்தல் நடத்தும் அலுவலா் சதீஷ்குமாா், உதவி தோ்தல் நடத்தும் அலுவலா் பாலாஜி, தமிழ்மணி மற்றும் அலுவலா்கள் உடனிருந்தனா்.
திருவண்ணாமலை மாவட்டத்தில் பதற்றமான 80 வாக்குச்சாவடிகளுக்கு 98 நுண் பார்வையாளர்கள் நியமனம்
திருவண்ணாமலை மாவட்டத்தில், பதற்றமான வாக்குச் சாவடிகளை கண்காணிக்கும் பணியில் ஈடுபடும் தேர்தல் நுண் பார்வையாளர்களுக்கு பயிற்சி முகாம் நடந்தது. தமிழ்நாடு சட்டமன்ற பொதுத்தேர்தல் வரும் 23ம் தேதி நடைபெற உள்ளது. அதையொட்டி, தேர்தல் முன்னேற்பாடுகள் முழு வீச்சில் நடந்து வருகிறது. அதன்படி, திருவண்ணாமலை மாவட்டத்தில் உள்ள 8 தொகுதிகளுக்கும் வெளி மாநில ஐஏஎஸ் அதிகாரிகள் தேர்தல் பார்வையாளர்களாக நியமிக்கப்பட்டு, தேர்தல் ஆணையம் கண்காணித்து வருகிறது.
இந்நிலையில், பதற்றமான வாக்குச்சாவடிகளை கண்காணிக்க, தேர்தல் நுண் பார்வையாளர்கள் நியமிக்கப்பட்டுள்ளனர். வாக்குப்பதிவு நடைபெறும் நாளில் அவர்கள் மேற்கொள்ள வேண்டிய பணிகள் குறித்த பயிற்சி முகாம் மாவட்ட ஆட்சியர் அலுவலகத்தில் நடந்தது.
மாவட்ட தோ்தல் அலுவலரும், ஆட்சியருமான தர்ப்பகராஜ் தலைமையில் நடந்த இப்பயிற்சி முகாமில், தேர்தல் பொது பார்வையாளர்கள் அபிஷேக் கிருஷ்ணா (செங்கம், கலசபாக்கம்), ரவிக்குமார்சர்பூர் (திருவண்ணாமலை, கீழ்பென்னாத்தூர்), சதேந்திரசிங் (போளூர், ஆரணி), ராமகிருஷ்ணாசித்தூரி (செய்யாறு, வந்தவாசி) ஆகியோர் கலந்துகொண்டனர்.
அப்போது, மாவட்டம் முழுவதும் அமைக்கப்பட்டுள்ள 2516 வாக்குச்சாவடிகளில், 80 வாக்குச்சாவடிகள் பதற்றமானவை என கண்டறியப்பட்டுள்ளன. எனவே, அவற்றை கண்காணிக்க நியமிக்கப்பட்டுள்ள 96 தேர்தல் நுண் பார்வையாளர்கள், தங்களுக்கான பணிகளை முறையாக மேற்கொள்ள வேண்டும் என அறிவுறுத்தப்பட்டது.
மேலும், வாக்குச் சாவடியில் ஏற்படுத்த வேண்டிய குறைந்தபட்ச அடிப்படை வசதிகளை சரிபார்த்தல், மாதிரி வாக்கெடுப்பு நடைமுறைகள் பின்பற்றுதல், வாக்குச்சாவடி முகவர்கள் இருப்பதை உறுதி செய்தல் போன்ற பணிகளை முறையாக கண்காணிக்க வேண்டும் என தெரிவிக்கப்பட்டது.
கூட்டத்தில், ஆட்சியரின் நேர்முக உதவியாளர் (தேர்தல்) அன்பழகன், தேர்தல் பிரிவு வட்டாட்சியர் தியாகராஜன், மாவட்ட முன்னோடி வங்கி மேலாளர் முருகன் உள்ளிட்ட பலர் கலந்துகொண்டனர்.
