யூஜிசி-நெட் ஜூன் 2026 தேர்வுக்கான தற்காலிக ஆன்சர் கீ இந்த வாரம் அதிகாரப்பூர்வ இணையதளத்தில் வெளியிடப்படும் என்று தேசிய தேர்வு ஏஜென்சி தெரிவித்துள்ளது.
இதனுடன் சிஎஸ்ஐஆர்-நெட் மற்றும் ஐசிஏஆர் ஏஐஇஇஏ பிஜி, ஏஐசிஇ பிஎச்டி 2026 தேர்வுகளுக்கான தற்காலிக ஆன்சர் கீகளும் வெளியிடப்பட உள்ளன
தேசிய தேர்வு ஏஜென்சி வெளியிட்டுள்ள அறிவிப்பில், “யூஜிசி-நெட் ஜூன் 2026 தேர்வுக்கான தற்காலிக ஆன்சர் கீகள், சிஎஸ்ஐஆர்-நெட் மற்றும் ஐசிஏஆர் தேர்வுகளின் தற்காலிக ஆன்சர் கீகளுடன் இந்த வாரம் அதிகாரப்பூர்வ இணையதளத்தில் வெளியிடப்படும்” என்று தெரிவிக்கப்பட்டுள்ளது
தேர்வர்கள் தற்காலிக ஆன்சர் கீகளைப் பார்த்து, அவற்றில் ஏதேனும் தவறுகள் அல்லது ஆட்சேபனைகள் இருப்பின் குறிப்பிட்ட கால அவகாசத்திற்குள் முறைப்படி மேல்முறையீடு செய்ய முடியும்.
ஆன்சர் கீ வெளியிடப்படும் நேரத்திலேயே ஆட்சேபனைகளைப் பதிவு செய்வதற்கான விரிவான வழிமுறைகள் வழங்கப்படும். தேர்வர்கள் பிற வதந்திகளை நம்பாமல், அதிகாரப்பூர்வ அறிவிப்புகளை மட்டுமே பின்பற்ற வேண்டும் என்றும், இணையதளத்தைத் தொடர்ந்து கவனித்து வருமாறும் அறிவுறுத்தப்பட்டுள்ளனர்.
யூஜிசி-நெட் தேர்வுகள் கடந்த ஜூன் 22 முதல் ஜூன் 30 வரை 6 நாட்களில் நடத்தப்பட்டன. தொடர்ந்து, ஜூலை 5 ஆம் தேதி குறிப்பிட்ட சில மையங்களில் மறுதேர்வு நடத்தப்பட்டது.
அதேபோல், ஜூனியர் ரிசர்ச் ஃபெலோஷிப், உதவிப் பேராசிரியர் பணி நியமனம் மற்றும் முனைவர் பட்டப் படிப்பு சேர்க்கைக்கான இணைச் சிஎஸ்ஐஆர்-யூஜிசி நெட் ஜூன் 2026 தேர்வுகள் ஜூலை 17 மற்றும் 18 ஆகிய தேதிகளில் கணினி அடிப்படையிலான தேர்வு முறையில் நாடு முழுவதும் நடத்தப்பட்டன.
