தமிழகம் முழுவதும் உள்ள சட்டசபை தொகுதிகளில் போட்டியிடும் தவெக வேட்பாளர்கள் பட்டியலை அதன் தலைவர் விஜய் வெளியிட்டார். நாமக்கல் சட்டசபை தொகுதி தவெக வேட்பாளராக திலீப் அறிவிக்கப்பட்டுள்ளார்.
நாமக்கல்லைச் சேர்ந்த திலீப் (34), பி.காம் பட்டப்படிப்பு படித்துள்ளார். தற்போது பேருந்து மற்றும் லாரி டிரான்ஸ்போர்ட் தொழில் செய்து வருகிறார். இவரது தந்தை சேகர், தாய் கலாராணி, இவருக்கு திவ்யா என்ற சகோதரி உள்ளார், அவருக்கு திருமணமாகவிட்டது. திலீப்பின் மனைவி லோகநாயகி, பி.ஆர்க் பட்டப்படிப்பு முடித்துள்ளார்.
தவெக வேட்பாளராக அறிவிக்கப்பட்டுள்ள திலீப், நாமக்கல் முன்னாள் எம்எல்ஏ பாஸ்கரின் சகோதரி மகன் ஆவார், கடந்த 2021ம் ஆண்டு சட்டசபை தேர்தலில் அதிமுக சார்பில் பாஸ்கர் போட்டியிட்டபோது, திலீப் அவருக்கு ஆதரவாக தேர்தல் பணிகளை கவனித்து வந்தார்.
நடிகர் விஜய் தவெக கட்சி ஆரம்பித்ததும், அதில் தன்னை இணைத்துக்கொண்டார். அவர் கட்சித்தலைவருடன் நெருக்கமாக இருந்ததால், தற்போது அவருக்கு சட்டசபை தேர்தலில் போட்டியிட வாய்ப்பு கிடைத்துள்ளது.
